Куран галактика тууралуу эмне дейт? Эшик каккан жылдыз

Адамдар бүгүнкү күндөгү өнүккөн технологиянын жардамы менен ааламдагы өтө бийик чыккан дабыштарды, атмосферадан тартып күн системасына чейинки планеталардын чыгарган ультра үндөрүн жаздырып жатат. Мына ошолордун ичинен бир жылдыз чоң кызыгууну туудурат. Илимпоздор бул жылдызга «Пульсар» деп ат беришкен. Ал эми дал ушул жылдыздын аты Ыйык Куранда “Тарык жылдызы” катары эскерилет. Окумуштуулар Пульсар жылдызынын эшикти бирөө каккандай үн чыгарарын аныктап, аппаратка жаздырып алышкан. Эң кызыктуу жагдай бул жерде жатат: Пульсардын Курандагы “Тарык” деген аты араб тилинен “эшикти каккан” деп которулат экен. Тарык сөзүнүн уңгусу “тарк” болук, “угулгудай денгээлде каккылоо” деген маанини туюндурат.

Мындан 1400 жыл мурун илим, техника өнүгө элек заманда эшкти каккандай добуш чыгарган жылдыздын дал ушундай мааниде Куранда “Тарык” деп аталышы кандай керемет.

Аллах Таала Куранда бир нече ирет “Мында акыл жүгүрткөндөр үчүн белги бар”, “Айлана-чөйрөгө көз салбайсыңарбы” деген сөздөрдү кайталайт. Чындыгында, азыркы күндүн илими Курандын нечендеген сырларын ачып жатат.

Ыйык Куран галактикалардан тартып, деңиздин астындагы тоолорго чейин, жылдыздардын орбитасынан тартып, жөргөмүштүн үйүнө чейин айтып берет.

Куран эч качан жаңылбайт жана эскирбейт. Тескерисинче күн өткөн сайын аяттардын жаңы маанилери ачыкка чыгып жашарып турат.