Чубак ажы Жалилов: “АЯЛЗАТЫ!.. Бизди кечиргиле!..”

Кечээ, Америкада окуп-иштеп жүргөн кыздарыбыз Хадис Академиясына кошумчабыз деп 1130 (бир миң бир жүз отуз) доллар жөнөтүшүптүр. Алла ыраазы болсун! Урматтуу карындаштар, апалар, эжелерибиз! Биз динибизди билбей, түшүнбөй, алсыз болуп, силерди бага албадык. Ошон үчүн дүйнөнүн баардык жеринде иштеп жүргөн АЯЛЗАТТАРЫБЫЗДАН мен жалпы мусулман-кыргыз эркектеринин атынан кечирим сурайм! Бул күндөр да өтөт, бул күндөр да кетет!.. Биз динибизди окуп, үйрөнүп мусулманчылык милдетибиз мойнубузга келгенде, милдетибизди түшүнгөндө силер алыс жерлерде антип жүрбөстөн бала төрөп, бала жыттап, үйдө тамак даярдап Айша энебиздин, Хадича энебиздин… Алла Таала ыраазы болсун баарыңыздардан! Алар акча жөнөтүштү…ошол акчаны алып жатканда, билесиңерби, мен өзүмдү аябай кор сездим! Анткени, ошол жерде кыздарыбыз махрамы бар жүрүшөт, махрамы жок жүрүшөт… АЯЛЗАТЫ.. Мен үчүн өтө сүйүнүч болду, бирок, мен өзүмдү өтө жаман абалда сездим… Кудай Таалам баарыңарды жакшылыкка жеткирсин, баарыңардын тилектериңерди берсин, баарыңардын багыңарды Кудай Таалам өзү айткан болсун! Ааминь

December 22, 2015 at 09:49AM